بەپێی راپۆرتی بێتاوان لەزاری سەرچاوەیەکی خۆجێی لەحەسەکێ گرووپی تێرۆریستی پەکەکە/ یەپەگە ۲۱۲ ماڵباتی کە لەکەمپی هۆلێ لەباکووری رۆژهەڵاتی سوریا بەبارمتە گرتبوو ئازادیانی کرد و گواستیانەوە بۆ شاری دێرەزوور.
بەپێی ئەم راپۆرتە لەنێوان ئەم ماڵباتانەدا کە ژمارەیان نێزیکی ۶۰۰ کەس دەبوو، ئەندامی گرووپی تێرۆریستی داعشیش هەبوون.
گرووپی تێرۆریستی یەپەگە/پەکەکە هەفتەی رابردووش کە دەیویست کەمپەکە چۆڵ بکات لەکردارێکی هاوشێوەدا سەدان کەس لەوانە تێرۆریستەکانی داعشی ئازاد کردبوو.
شایانی باسە کەمپی هۆل لەئاڤرێلی ۲۰۱۷ لەلایەن گروپی یەپەگە/ پەکەکە دامەزرا. لەم کەمپەدا جگە لە خەڵکی سڤیل هەندێک لە ئەندامانی گرووپی تێرۆریستی داعش کە خۆیان رادەست کردبوو دەژیان.
بەم پێیە ژنان و منداڵان زۆرترین حەشیمەتی ئەم کەمپە پێک دێنن. هەروەها هەزاران شەرڤانی تێرۆریستی لە ۵۰ وڵاتی جیاوازەوە لەم کەمپەدە دەژیان.
