خاڵد عەبیدی وەزیری پێشووی ئێراق، لەبارەی رێکەوتنی ئاسایی کردنەوەی دۆخی شنگال و بوونی هێزەکانی پەکەکە لەناوچەکە بە پەیامنێری کوردستان ۲۴ی وت:”گەر رەوتە رامیاریەکان دڵپاک بن ئەوە رێکەوتن جێبەجێ دەکرێت و کێشەکانیش چارەسەر دەبن، بەڵام ئێمە بۆ بەڕێوەچوونی هەر رێکەوتنێک پێویستمان بەدڵپاکی و متمانە هەیە.”
بە پێی رێکەوتنی ئاسایی کردنەوەی دۆخی شنگال کە لەنێوان دەسەڵاتی هەرێم و دەوڵەتی فیدراڵ ئێراق واژۆ کراوە دەبێت هەموو هێزە نایاساییەکان لەوانە پەکەکە و حەشدی شەعبی لەو شارە دەربچن و کۆنترۆڵی شار بدرێت بەدەست هێزەکانی خۆجێی و دەوڵەتی فیدراڵیوە.
عەبیدی وەبیری هێنایەوە کە هێزەکانی پەکەکە لەدۆخێکی ئاڵۆزدا هاتنە نێو ناوچەکەوە و ئەم بابەتە پێویستی بە دانوستاندنی رامیاری و بوێرانە هەیە.
وەزیری بەرگری پێشووی ئێراق، پێی وایە کە کاتی چارەسەرکردنی کێشەی پەکەکە گەیشتووە، چوونکە لەدۆخی ئێستای ئێراق دەبێتە هۆی زیاد بوونی کێشەکان.
